Ghazal - mudawa habs ka honEy laga

May 21, 2007 on 12:46 am | In Shoola e Gul |
Mudawa habs ka honey laga ahista ahista
chali aati hai woh mouj e saba ahista ahista
zara waqfay say niklay ga magar niklay ga chand akhir
keh souraj bhi tu maghrib mein chupa ahista ahista
koi sunta tu ik kohram barpa tha hawaoon mein
shajar say aik pata jo gira ahista ahista
abhi say harf e rukhsat kiyon jab adhi raat baki hai
gul o shabna tu hotay hein juda ahista ahista
mujhay manzoor agar tarq e taluq hai raza tairee
magar tootay ga rishta dard ka ahista ahista
phir iss kay baad shab hai jis ke hud subah e abad tuk hai
mughani shaam ka naghma suna ahista ahista
shab e furqat mein jab najm e sehar bhi doob jata hai
utarta hai mairay dil mein khuda ahista ahista
mein shehar e dil say nikla hoon sab awazoon ko dafna kar
nadeem aab koun daita hai sada ahista ahista

1 Comment »

RSS feed for comments on this post. TrackBack URI

  1. nah pizdetc

    Comment by e_postus@yahoo.com — June 9, 2007 #

Leave a comment

XHTML: <a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>

Presentation of Urdu Poetry Forum - Get RSS Feed: Entries and comments feeds. ^Top^