Ghazal - Ji chaahta hai falak pa jaaun
May 21, 2007 on 12:29 am | In Shoola e Gul |Ji Chaahta hai falak pay jaaun
Souraj ko gharoob say bachaoon
buss maira chalay jo gardishoon pay
din ko bhi na chand ko bujhaoon
mein choor kay seedhay rastoon ko
bhatki hoi naikiyaan kamaoon
mein shab kay musafiroon ki khatir
mashal na millay tu ghar jalaoon
ashaar hein mairay istaray
aoo tumhein aainay dikhaoon
youn bat keh bikhar kay reh gaya hoon
har shakhas mein apna aks paoon
awaz jo doon kissi kay dar par
andar say bhi khud nikal kay aoon
aye chara garaan e asar e hazir
folaad ka dil kahan say laoon
har raat dua karoon sehar ki
har roz naya faraib khaoon
har jabar pay sabar kar raha hoon
iss tarhaan kaheen ujar na jaoon
ghar doob rahay hein teergi mein
qabroon pay magar diyeah jalaoon
roona bhi tu tarz e guftagoo hai
ankhain jo rukain tu lab hilaoon
khud ko tu nadeem azmaya
aab mar kay khuda ko azmaoon
No Comments yet »
RSS feed for comments on this post. TrackBack URI
Leave a comment
Presentation of Urdu Poetry Forum - Get RSS Feed:
Entries and comments feeds.
^Top^