Youn Baykaar Na Baithoo Din Bhar, Youn Payham Ansoo Na Bahaoo

April 27, 2007 on 10:37 am | In Shoola e Gul |

یوُں بیکار نہ بیٹھو دن بھر، یوں پیہم آنسو نہ بہاؤ

اتنا یاد کروہ کہ بالآخر آسانی سے بھوُل بھی جاؤ

سارے راز سمجھ لولیکن خود کیوں ان کو لب پر لاؤ

دھوکا دینے والا رو دے، ایسی شان سے دھوکا کھاؤ

ظلمت سے مانوس ہیں آنکھیں، چاند اُبھرا تو مند جائیں گی

بالوں کو اُلجھا رہنے دو، اِک الجھاؤ سو سلجھاؤ

کل مجھ پر الزام تھا سارا، آج تو فق ہے رنگ تمھارا

کل تم مجھ سے شرمائے تھے، آج آئینے سے شرماؤ

پہلو تو لُٹ جائے گا لیکن آنکھیں تو ویراں نہ رہیں گی!

بیشک میرے پاس نہ بیٹھو لیکن اِتنی دُور نہ جاؤ

رَس کا زمانہ بیت چکا ہے، اب مَس ہے معراجِ محبّت

مَیں اِس دَور کا دیوانہ ہوُں، دل میں نہیں، نظروں میں سماؤ

کل کو کل پر رکھو، جب کل آئے گا دیکھا جائے گا

آج کی رات بہت بھاری ہے، آج کی رات یہیں رہ جاؤ

کب تک یوُں پردے پرد Û’  میں حُسن محبّت Ú©Ùˆ جھُٹلاتا

موت کا دن بھی حشر کا دن ہے، چھُپنے والو، سامنے آؤ

دَورِ خزاں میں سُنتا ہوُں تخلیق کا یہ آہنگِ مسلسل

کلی کلی کی نرم چٹک میں پھوُلو! میری آہٹ پاؤ

مرنے سے کُچھ کام چلا تو اے دم سازو، مر بھی لیں گے

مرنا تو برحق ہے لیکن تم جینے سے باز نہ آؤ

No Comments yet »

RSS feed for comments on this post. TrackBack URI

Leave a comment

XHTML: <a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>

Presentation of Urdu Poetry Forum - Get RSS Feed: Entries and comments feeds. ^Top^